بسم الله الرحمن الرحيم
((أهيب وش هالجمال أهيب وش هالعيون ))
أهيب وش هالبطن
أهيب هذا ماعنده الا ياكل
أهيب هذا دوم فرحان
اهيب وش هالملابس
أهيب كل هذا بيشربه
أهيب وش هالبيت الحلو
أهيب وش هالسياره
أهيب و ش هالطفل الصغنون
أهيب هذا دوم متعافي
أهيب واهيب وين قولكم ماشاء الله ليه تصوبون أعينكم باتجاه الناس ليه اذا انبهرتُ ماتقولون ماشاء الله
ليه تحبون تحسدون الناس ليه اصبح الحسد عندنا جزاء من حياتنا ليه مانغض النظر عن الناس ونطلب وندعي ربي يعافينا ويعفو عنا ويرزقنا ليه من تشوفون شخص بااكمل عافيته صوبتُ عيونكم اتجاه
ليه مانحذر من كلامنا حتى لو كان بالمزح والعيار اللي مايصيب يدوش كثير كانوا يمزحون ووقع كلامهم وصار صحيح يوم من الايام كنت جالس مع الشباب بالعمل
وفي واحد جالس عندنا يحذرون الناس من عيونه والمهم واحد من الشباب تحدى هالشخص وقال هذا بوعين قويه اليوم يافلان بتسوي حادث وخوينا يضحك يقول له أنا مواعليمي اعرف أسوق المهم خوينا طلع من الدوام رايح لبيتهم ويصير عليه حادث والله سلمه من الحادث واليوم الثاني جاء للدوام ويتهاوش مع هالشخص ويقول له ماتستحي خليتني اسوي حادث أنا ماني مقتنع بالكلام هذا طبعآ بس هذا قال الكلام كذا مزح
ووقع ولا الواحد يضع ايمانه بالله ويحصن نفسه ومن صلى الفجر في جماعه فهو في حفظ الله من يصبح الين يمسي
العين حق وعلينا ان نحذر من المزح بكلام ممكن يقع ويؤدي الى حقد وتنافر وشحناء وبغضاء
علينا أن نذكر الله بكل وقت وان نحب الخير للناس
ولانتمى زواله نعمته عنهم
انا حصل لي أكثر من موقف مع ناس عيونهم قويه ومعروفين عندنا يذب الطير من السماء
واحد منهم ركب معي بالسياره ويقول لي اهيب وش
هالمكيف هذا جليد ويوم نزل من السياره صار عندي
الكيف شوايه وين راح البراد.
ومره واحد قال لي مامره شفتك انت مريض ماعمري شفتك جايب سك ليف ((أستراحه مرضيه ))
واليوم الثاني طحت مريض ثلاثه ايام بلياليها وجبت سك ليف ناس ماتذكر الله وواحد بعد قلت له بسافر اليوم للكويت
قال ماراح توصل وتفقعت كفرات سيارتي الاثنين الاماميه وربك لطف .
ومره واحد يقول لشخص كان ينظف سيارته بالليل وتوها جديده وقال له بوعين اول مره اشوف غيمه بالليل وجاء
خويي يشغل السياره مااشتغلت
العين حق وعلينا أن نحذر بماتتفوه به السنتنا
علينا أن نبتعد عن كل مايمس الناس ويذهب عافيتهم
علينا أن لانصوب أعيينا اتجاه الناس
علينا ان عندما نصوب أعيننا ان نذكر الله وندعوا لهم بالمزيد.
أتمنى كل شخص يذكر لنا موقف حصل بسبة عيون الناس؟